Xa estamos no 2010 e queremos felicitar e amosar o noso máis fondo agradecemento a todos os Apañacastañas, Amigos e demais xente que se nos xuntou a empurrar pola recuperación do Apalpador. Agardamos así mesmo que as nosas peticións para o aninovo se fagan realidade:

O día 29 presentamos o libro O Apalpador en O Barco de Valdeorras, na Biblioteca municipal. Foi ás 12 da mañá e estiveron máis de setenta nenos que participaban no acampamento urbán, ademais dos adultos. Os rapaces portáronse de marabilla e participaron no coloquio posterior. Un 10 para todos eles. E outro para a organización.
Polo serán estivemos en Ribadavia, tamén na Biblioteca municipal, na que tamén participaron unha morea de rapaces. Ao igual que en Valdeorras portáronse moi ben. Así como a organización.
Grazas a todos e
Así, así esteades todo o ano

A Televisión de Galicia amosa a figura do Apalpador no programa Bos Días Magazine no que participa André Seoane da Gentalha do Pichel e mais Xoán G. Podes ver o video se premes no Leer máis

Xa sabemos que O Apalpador pode chegar ás nosas casas as noites do 24 de decembro, do 31, ou do 5 de xaneiro, segundo sexa o costume do lugar, da casa ou dos nenos. E como ten ese traveso costume de deixalos agochados, aí vos vai unha axudiña para que atopemos cadanseu o noso. Deixámosvos uns deseños de etiquetas para identificalos, ben adhesivas ou a xeito de tarxeta

A través da editorial Biblos chegounos esta marabillosa carta de Irea que non podemos resistirnos a amosar.

Estivemos na Festa da Pisa da castaña, en Froxán. Unha marabilla de lugar que recomendamos visitar. Sentimos verdadeira vergonza non telo coñecido antes, pero máis vale tarde que nunca. Chovía, chovía e chovía, pero iso non minguaba para nada a nosa admiración.

Xa temos unhas láminas para colorear ao voso dispór, podedes baixalas en PDF por separado ou todas xuntas, logo imprimilas e... A coloreaaaaar!.

Engadimos modelos de cartas ao Apalpador e varias imaxes para poñer nas vosas webs ou imprimilas.

Xa saiu do prelo O Apalpador, o conto de Xoán G. que edita Biblos. A presentación mundial farase no Courel na festa da Pisa da Castaña o 6 de decembro. Para ir degustandoo podedes velo en PDF se premes na ligazón de abaixo.

O Apalpador.pdf

Non corren bos tempos, non señor. Non son bos tempos para Galiza na Economía, non o son na Lingua, non o son na Política e non o son en outros moitos aspectos da sociedade. Mais disque nos tempos de crise sae o mellor de nós mesmos, que botarlle a culpa á crise é unha covardía e ignorala é encistar o conformismo.

O vello Apalpador, ou Pandegueiro como se lle chama en partes do oriente ourensán, é unha figura lendaria galega que achega os agasallos aos nenos polas datas de nadal. Este xigante, de oficio carboeiro, baixaba das devesas e apalpaba as barriguiñas dos cativos. Se estaban cheas dicía: «así, así esteas todo o ano» e deixáballes unha presa de castañas. Senón calaba, pero deixáballes tamén as castañas.