Blogues

Xoán G. estivo presente no programa cultural "Palabra de Autor, Palabra de Autora" co seu libro O Apalpador, a emisión foi o xoves 3 de xuño do 2010, coma sempre as 15.15h.

En todo este tempo que estivemos apagados non pensedes que estivemos inactivos. A Irmandade dos Apañacastañas xa é unha asociación inscrita no Rexistro de Asociacións, temos CIF, conta bancaria e estamos tramitando a alta no Censo de Asociacións Culturais e no das Prestadoras de Servizos á xuventude.
Moita burocracia, mais nós coidamos que pagaba a pena pasar por ela. Polo dagora todos son traballos e gastos (a nosa conta ten 0€) pero isto non nos arreda. Queremos medrar e medrar e que o Apalpador sexa unha realidade nos próximos Nadais galegos.

Xa estamos no 2010 e queremos felicitar e amosar o noso máis fondo agradecemento a todos os Apañacastañas, Amigos e demais xente que se nos xuntou a empurrar pola recuperación do Apalpador. Agardamos así mesmo que as nosas peticións para o aninovo se fagan realidade:

O día 29 presentamos o libro O Apalpador en O Barco de Valdeorras, na Biblioteca municipal. Foi ás 12 da mañá e estiveron máis de setenta nenos que participaban no acampamento urbán, ademais dos adultos. Os rapaces portáronse de marabilla e participaron no coloquio posterior. Un 10 para todos eles. E outro para a organización.
Polo serán estivemos en Ribadavia, tamén na Biblioteca municipal, na que tamén participaron unha morea de rapaces. Ao igual que en Valdeorras portáronse moi ben. Así como a organización.
Grazas a todos e
Así, así esteades todo o ano

A Televisión de Galicia amosa a figura do Apalpador no programa Bos Días Magazine no que participa André Seoane da Gentalha do Pichel e mais Xoán G. Podes ver o video se premes no Leer máis

A través da editorial Biblos chegounos esta marabillosa carta de Irea que non podemos resistirnos a amosar.

Estivemos na Festa da Pisa da castaña, en Froxán. Unha marabilla de lugar que recomendamos visitar. Sentimos verdadeira vergonza non telo coñecido antes, pero máis vale tarde que nunca. Chovía, chovía e chovía, pero iso non minguaba para nada a nosa admiración.

Xa saiu do prelo O Apalpador, o conto de Xoán G. que edita Biblos. A presentación mundial farase no Courel na festa da Pisa da Castaña o 6 de decembro. Para ir degustandoo podedes velo en PDF se premes na ligazón de abaixo.

O Apalpador.pdf

Non corren bos tempos, non señor. Non son bos tempos para Galiza na Economía, non o son na Lingua, non o son na Política e non o son en outros moitos aspectos da sociedade. Mais disque nos tempos de crise sae o mellor de nós mesmos, que botarlle a culpa á crise é unha covardía e ignorala é encistar o conformismo.