Que teñades un marabilloso 2010 e que este sexa o ano do Apalpador

Xa estamos no 2010 e queremos felicitar e amosar o noso máis fondo agradecemento a todos os Apañacastañas, Amigos e demais xente que se nos xuntou a empurrar pola recuperación do Apalpador. Agardamos así mesmo que as nosas peticións para o aninovo se fagan realidade:

Recuperación e avanzo do estatus do Galego na vida social e mais no ensino.

Recuperación e avanzo no emprego e nas condicións laborais das traballadoras e traballadores.

Recuperación e avanzo na presenza do Galego, de Galiza e da cultura propia nos medios de comunicación.

Moito éxito ás empresas que tentan reuperar o noso patrimonio cultural material e inmaterial e as que crean riqueza sostible.

E en fin que a todos aqueles que rabuñan unha terra para se sementaren a sí mesmos, que lles erga ceibe o seu froito!